12+
Автор: Хәким Салимҗанов
Режиссер: Миләүшә Юзаева
Сезне Хәким Сәлимҗанов китабы буенча театральләштерелгән тамаша көтә.
Театрның үткәненә тере образлар аша сәяхәт. Сәхнәдә тарих җанлана. Авторның реаль материалларга һәм очрашуларга нигезләнгән истәлекләре аша тамашачылар татар театрының тууы чорына кайталар. Актерларыбыз язмышлары сәхнә белән бәйләнгән язучыларны, артистларны, мәдәният хезмәткәрләрен искә алалар. Театр ил белән бергә кичергән чорлар, иҗат биеклекләренә юл салган авыр һәм илһамландыручы еллар күз алдына килә.
"Артист язмалары" – хәзерге татар театрына нигез салучыларның яшьлеге, иҗади эзләнүләре, кыюлыгы турындагы тарих. Спектакль якты җылылык уята. Үткәннәрне бүгенгә бәйләүче истәлек һәм хәтер.
|
|
