Әлмәт театры Зөлфәт Хәкимнең «Курку» әсәре буенча спектакль чыгарды. Режиссеры – Айдар Җаббаров. Премьера турында журналист, язучы Рәфкать Шаһиев яза.
Була шундый спектакль, анда берни уйларга кирәкми, бар да ачык. Була шундыйлары – уйлыйсың-уйлыйсың, аңламыйсың да, очына да чыга алмыйсың. Ә бүгенгесе үзе аңлашыла, үзе уйландыра. Көләсе килә дип торам, елыйсы килә икән дип, менә шушындый спектакльгә әйтәләрдер инде. Чөнки вакыйгалар барган туксанынчы еллар күпләрнең исендә, әлеге атмосфера тамашачыларның күбесенә таныш.
