Театр сезоны башланыр алдыннан артистларны хөрмәтләү мизгелләре. Тантаналы чарада Әлмәт шәhәр башлыгы Дмитрий Нагуманов тамашачыларны сезон ачылышы белән котлады hәм “Ел актеры” премиясе ияләрен игълан итте. Быел әлеге мәртәбәле исемгә Фаил Сафиуллин һәм Раушан Мөхәммәтҗанов ия булды.
Сәламләү сүзләре белән директор театры Фәридә Исмәгыйлева hәм баш режиссер Сәрдәр Тагировский чыгыш ясадылар.
Зәкия Туишева премиясе лауреаты – Татарстанның халык артисты Рафыйк Таһиров.
Дамира Кузаева премиясе лауреатлары – Татарстанның атказанган артисты Зөлфия Газизова (күпьеллык хезмәте һәм театр үсешенә керткән өлеше өчен), Рифат Әхмәдиев (иҗади активлыгы һәм профессиональлеге өчен).
Театрның махсус премиясе Эдуард Латыйповка тапшырылды.
80нче юбилейлы сезон Мансур Гыйләҗев әсәре буенча режиссер Дмитрий Огородников куелышындагы "Нечкәбил" комедия спектакле белән ачылды.
