Әлмәт театры Россиянең кече шәһәрләр театрлары фестиваленең 23 нчесенә барырга әзерләнә.
Фестиваль Милләтләр театры тарафыннан Россиянең мәдәният министрлыгы һәм Евгений Мироновның "Театраль инициативалар" хәйрия фонды ярдәме белән оештырыла һәм Сергиев Посад шәһәрендә 26 майдан 3 июньгә кадәр узачак.
Фестивальдә Россиянең төрле төбәкләреннән 16 иҗат коллективы катнаша. Эксперт советы сайлап алган театрлар Әлмәт, Березники, Великие Луки, Губаха, Заречный, Кудымкар, Лесосибирск, Лысьва, Магнитогорск, Мотыгино, Яр Чаллы, Түбән Тагил, Новокуйбышевск, Новоуральск, Нягань, Чайковский шәһәрләреннән.
Коллективлар зур формадагы 10, кече формадагы 6 спектакль тәкъдим итәчәк.
Әлмәт театры "Явыз" спектакле белән чыгыш ясый.
Аны Әлмәттә 21 майда карарга мөмкин булачак.
